Mizo Elite News hi ṭha i tihzawng a nih chuan min lo Follow dawn nia

Justin Bieber nen kum in ah fa neih an la tum lo tih Hailey Bieber in sawiin an nupa inkar chungchang Interview neih a tum tawh lo bawk

Khawthlang ram a milar nupa zinga huhang nei na ber tih ngam Justin Bieber leh Hailey Bieber te hi an inneih atangin kum fe a vei tawh a, mahsela tun thlengin fa an la nei lo.

An mahni ngaisangtu fans te chuan chanchin lawmawm beiseiin an bengkhawn reng a, amaherawh chu Bieber te nupa hian fa neih an la rilruk lo hle tih amah Hailey berin a rawn puang ani

Hailey hi WSJ Magazine ah a inlan a, hetah hian an nupa inkar chungchang thenkhat a sawi. Kum 25 a upa hian a pasal Justin nen kum in 2022 hian fa neih tumna ala awm lo tih a hrilh.

Hailey-i chuan fa neih hma in thil tam tak tih tur leh hmachhawp ala nei a, fa neih chu a hmanhmawh rih lo. Tin, a kum ala naupang hrim hrim a, kum 25 chauh a la ni tiin “I’m still super, super young” tiin WSJ te a hrilh a. “kum hnih hnuah chuan kan tum ang” tiin a sawi.

Hailey chuan midangte thil thlirdan a sawi ah, a hmasa berah hmangaihna, a dawtah inneih leh a pathumna ah chuan naute neih a ni. Hailey chuan “aw le, ka sumdawnna kawnga ka thil duh zawng zawng te chungchang hi eng nge ni ve?” tiin zawhna a zawt let a, nau neih vat chu thil pawimawh hmasa ber ni ah a ngailo.

Tin, Hailey hian kum in atan resolution thar a rawn pu chhuak. A team te hnen ah a mimal chungchang emaw a pasal Justin nen an nupa kar thil ah interview nei tawh lo turin a ti. Chanchin thehdarh thin Media te chu tenawm tak an nih thu leh thil te tham tak pawh an sawi punlun vak a, chutiang chu nuam an tih zawk thu a sawi bawk.

September 2018 a Justin Bieber nen an inneih atang Hailey Bieber hi fans leh media te um nasat ber pawl ani. Hailey hian a thusawi hi a bawhzui a nih ngat chuan a pasal Justin nen an chungchang thuthar hriat tur a khat pharh tawh mai thei.