Mizo Elite News hi ṭha i tihzawng a nih chuan min lo Follow dawn nia

Justin Bieber Nen An Inthen Hnu Atang Selena Gomez In Hmangaih Zawn Kawngah Harsa A Ti

Thinlung kehchhia hi a tawng tawh te chuan a nat dan in hrethiam theuh ngei ang. He Pop Star kum 28 mi pawh hi a hmangaihna zinkawng zawh ah a tluang lo hle a, mihring ve tho a ni a, a changin thinlung leh rilru nat vawng vawng chang pawh a nei ang.

A bialpa hlui zinga sawizawm rei ber pawl Justin Bieber nen an inthenna pawh kum fe a vei tawh chungin sawi a la bang thei meuh lo, Justin an nupui a neihsan khan mitam takin an lo ngaihtuah hmasak ber chu Selena Gomez engtin nge a awm ang tih kha a ni.

Ni e, Selena Gomez hi pawn lam ah chuan hmeichhe hlim thei tak angin a lang a,amaherawh chu a chhungril lam ah chuan thinlung kehsawm a lo tuar ve ngei a ni tih Vogue Magazine nen an inbiangbiakna ah a sawi.

Kum 3 liamta a Justin Bieber nen an inkar an chhutchah fel tak tak atang khan hmangaih zawn kawngah Selena hian harsatna a tawk a, hemi chungchang hi Vogue a hrilh.

“Tu emaw keimah ngei min duh ve tu tur hi ka hmu lo. Zep loh leh tlang takin bul tan thar ka duh. Thil engkim a thar varin, keima mi thar hi min pawm tu tur tu emaw ka duh” tiin “Lose You To Love Me” singer hian a sawi.

A larna leh hmingthanna chuan amah hmangaih tu tak tak chu hriat harsa a tih thu a sawi a, rimawi lamah chawlh duh rum rumna hial a nei bawk. A hla ‘Lose You to Love Me’ chu a tihchhuah tawh zawnga hla tha ber in a ring bawk a ti.