Mizo Elite News hi ṭha i tihzawng a nih chuan min lo Follow dawn nia

Justin Bieber leh Hailey te nupa zanriah eiin an chhuak, Hailey incheidan in mit a la leh pek hle

Khawvel a Pop Star lar leh hmeichhe tam takin an ngaihzawn rawn luai luai Justin Bieber nupui a nih a chin atang khan Hailey Bieber hi Style Icon ah a rawn tangchho a tih theih awm e.

Zirtawpni zan khan Justin (27) leh Hailey (24) te nupa hi Santa Monica ah zanriah kilin an chhuak dun a, Hailey Bieber thuamhnaw inbelchhuah mawlh mai hian mite ngaihven a hlawh leh viau.

A piannalh tak lang thei turin midi dress, high neckline leh spaghetti straps te a ha chhuak a,tie-wrap heels bunin Bottega Veneta ‘Pouch’ a zak zeh bawk. He a bag pawh hi a man a tlawm leh lo viau nghe nghe.

Justin Bieber ve thung hian casual takin a nupui nen an chhuahna ah oversized white hoodie a ha a, Nike beanie a khum. Gentleman zetin a che leh pek bawk a, a nupui sweater hak lai chu a lo ken sak deuh thlap. Hripui leng laka an him nan Mask an vuah a, an fimkhur hle a ni.

Justin Bieber leh Hailey te hi tunlai khawvela nupa kawp lar ber an ni a, Hailey hi fans te atang sawisawl hlawh thin hle mahse engtin mah tawngkam mawilo a chhanglet lova ngawih a chuh zawk zel thin hi amah ti zahawm tu leh midang ten an ngainat chhan pakhat a ni tel bawk niin a hriat. Justin ngei pawh hian a nupui hi vantlang hriatah a hringnun her rem sak tu tiin a chhuanzia a lo sawi fo thin bawk.