Mizo Elite News hi ṭha i tihzawng a nih chuan min lo Follow dawn nia

Justin Bieber leh Hailey te nupa an thian inneihna ah an nalh hle

Pop star, Justin Bieber leh Model, Hailey Bieber te nupa hi khawthlang milar nupa tuak zingah chuan lawm hlawh, inhmeh leh chanchin sawi hlawh ber pawl an ni awm e.

Justin leh a nupui hi Inrinni a Atlanta a hun an hman zawh hnu in Pathianni khan Los Angeles ah an thian te inneihna ah an kal dun a, Justin thianpa leh collaborator, Harv chuan singer Felicia King chu nupui atan a nei, an inneihna thutiam hi an va hriatpui.

Inneihna ah hian kum 27 a upa “Hold On” singer hian tuxedo pawl a inbelchhuak a, a mawipuiin a lang smart leh viau. A nupui Hailey erawh classic little black dress nen a figure nalh tak phochhuak thei tur a ha thung.

Justin hian inneihna hmun an panna ah hian Health-Ade kombucha a in pah mawlh mawlh bawk a, inneihna an kal hma hian an chenna in batthlar ah an nupa hian nalh takin an lo in pose hmasa a ni.

Bernard ‘Harv’ Harvey hi musician leh producer a ni a, Justin Bieber rawn lar chhoh tir atang khan inhre tawh in kum 10 chuang tluang takin an thawk ho tawh a, a Album “Changes” leh number one hit “Peaches” te pawh kha a lo Produce nghe nghe.