Mizo Elite News hi ṭha i tihzawng a nih chuan min lo Follow dawn nia

Justin Bieber a’n Grammy Awards semna a tel aiin a nupui kianga hun hman a thlang zawk

Pop Star, Justin Bieber chu Pathianni a rimawi chawimawina ngaihhlut hlawh bera ngaih Grammy Awards semna ah a kal lo a, en pawh a en hek lo.

Grammy a tel ai chuan Justin hian a hmangaih em em a nupui Hailey Bieber kianga hun hman a thlang zawk a, Beverly Hills ah lengchhuak in restaurant ah thil an ei dun mai mai. Zan ah date night an nei zawm nghal a ni.

Los Angeles khawpuia an chhuahna ah Casual takin thuamhnaw an inbel a, kum 27 a upa Justin Bieber hian Nike sweatpants dum leh Hoodie ha in sneakers var a bun a,beanie cap a khum. Hailey erawh baggy denim jeans leh puffer jacket lian tha tak a inbel thung.

Justin hian Instagram ah a nupui nena hun nuam tak an hman thu hi fans te a hrilh a, an chenna in pawn a portraits a lak pahnih te post in caption ah “Date night” tiin heart emoji a hnuchhiah a ni.

Grammy Awards sem zawh takah khan Nomination 4 lai ah Best Pop Performance for Yummy; Best Pop Duo/Group Performance for Intentions — featuring Quavo; Best Pop Vocal Album for Changes; leh Best Country Duo/Group Performance for 10,000 Hours with Dan + Shay ah te a lang.

Nikum a Nomination puanchhuah ah khan a Album ‘Changes’ chu R&B category ah a lang lo a, Recording Academy lakah a lawm vak lo. Hei vang hian Award semna ah pawh a inlan duh lo a nih hmel viau.