Mizo Elite News hi ṭha i tihzawng a nih chuan min lo Follow dawn nia

Justin Bieber A’n A Nupui Hailey Bieber A Fak, A Tello In Tun Ang Hi A Thleng Thei Lo

Justin Bieber hian a nupui Hailey Bieber hi a chhuanzia thu alo sawi fo tawh thin a, a fans thenkhat te atang duh pui lo tu awm ve bawk mahse nupui atan a nei hi inchhirna a nei lo.

He Canadian zaithiam hian pasal a nihna ang tak in a nupui Hailey thlavang hauh kawng ah pawh a fans te a hmai zah lo.

Hmanni deuh lawk ah Hailey hi Jelena duh tu atang nasa taka beih a tawk a, hetah pawh hian Justin chuan a nupui hi a chhan a, a hun kal tawh a a hmeichhe kawp te sawichhuak fo tawh lo turin tawngkam na ru tak siin alo khak deuh fak a ni.

Tunah a nupui Hailey Bieber chu a hmangaihzia leh a pasal a ni hi vanneih a tih thu uar takin Social Media ah a tarlang.

Justin chuan Hailey hi a ta a ni chu rin harsa ala tih thu a sawichhuak a, mi hrang hrang “nuihzatthlak,mawi tak, khawngaihna neitu, hmeichhe chak leh inringtawk tak” tiin a nupui thlalak hrang hrang te chu a post a, a tawp ah “i tello chuan vawiin a ka nih ang hi ka ni thei ngai dawn lo a ni” tiin a hrilh bawk.

Hailey Bieber tan chuan a pasal Justin hmangaihna thu hlan thlum tak aia hriat nuam dang thil hi a awm kher bik lovang. Tin, Hailey hian a pasal Justin Bieber hi a Music thar tihchhuah turah hian a phen ah nasa tak in alo buaipui ve thin bawk a ni.

Bieber hian a Studio album 6 na tur tunlai hian a buaipui mek a, a tum dan chuan thla leh March 19 khian a tihchhuah ang.