Actor leh WWE Superstar ni bawk John Cena chu a hmeichhe kawp lai Shay Shariatzadeh nen an innei tawh tih tarlan a ni.
Kum 43 a upa Cena hi Shariatzadeh (29) nen hian 2019 aṭang an inngaizawng ṭan. A kawppui hlun WWE Diva Nikki Bella nen 2018 a an inkar an tihtawp hnu ah Shariatzadeh hi Cena hmeichhe kawp hmasak leh ber a ni hial.
An pahnih hian an inkar chungchang hi vantlang hriat ah an ti langchhuak hran lem lo. Inhualna an neih pawn a ruk thei ang berin an che a, October thla chawhma ah marriage certificate an file. Inneihna hi Tampa,Florida ah October 12 khan neiin inneihna pawh hi a ruk thei ang ber Private Ceremony a hman a ni tih TMZ chuan a puang.
John Cena hi Elizabeth Huberdeau nen July 2009 aṭanga May 2012 thleng an innei. Elizabeth nen hian a thla leh July ah an inṭhenna hi an chingfel thei chiah.
WWE Diva Nikki Bella nen khan 2012 aṭang an inkawp chho a, an inkawp aṭang rei fe April 2017 a WrestleMania 33 ah khan Cena hi Nikki Bella hma ah alo ṭhingṭhi hnap a nih kha.
Mahsela khuanu ruat an nilo a niang, a hnu kum leh mai ah an inṭhen. An inṭhen chhan ah report ṭhenkhat chuan fa neih chungchang ah pakhat in naute neih a duh a pakhat in a duh lo thung a chutiang vang vel chu nia sawi a awm bawk.
Tunah erawh Nikki Bella pawn a bialpa Artem Chigvintsev nen an fa hmasa ber an nei tawh a, Cena nen chuan kawng hran ve ve ah an peng tawh.
Shariatzadeh hi Iran a piang a ni a mahsela Canada ah a seilian thung. Canadian khua leh tui nihna a nei a, tech company, Vancouver ah product manager in hna a thawk a ni
DM