Mizo Elite News hi ṭha i tihzawng a nih chuan min lo Follow dawn nia

John Cena An A Fans Mipa Naupang Stage 4 Cancer Vei Chu A Chenna Ah Tlawhin A Surprise

John Cena hi a fans te ngaipawimawh leh dah pawimawh thiam tak a ni a, mamawh tu a fans te tan chuan a che chhuak vat ṭhin.

WWE Superstar hian a fans mipa naupang duhthusam chu a tih hlawhtlin sak a, he mipa naupang hi Odessa, Florida a awm a ni. Kum 7 a upa David Castle niin stage 4 cancer a vei mek.

John Cena hian glove leh mask inbel chungin Coronavirus karah David Castle hi an chenna in ah a tlawh a, John Cena hmel a hmu chiah chu David Castle pawh hi lawm avangin a mittui a tla hial a ni.

Cena hian David Castle tan hian WWE title belt 2 leh a hming sign hnan merchandise te chu a ken sak a, thla te la dun in hun hlimawm tak an hmang.

David Castle hringtunu Tammy Miller chuan a fapa hlimna siam sak tu John Cena chungah hian a lawmzia Facebook kaltlangin a tarlang. David hi kum 2019 October thla atang Diffused Anaplastic Wilm’s an tih veiin a kal (kidney) aṭang a inṭan hnu ah a taksa hmun hrang hrang ah chuan a in ṭaidarh chho ta a ni. Medical man atan GoFundMe Page siam sak a ni bawk.

DM