Mizo Elite News hi ṭha i tihzawng a nih chuan min lo Follow dawn nia

Joe Jonas chu nu ber Sophie Turner leh a fanu te nen chhungkua in an rawn inlan

Hun eng emaw chen Public lam a an bik bo hnu in Jonas Brother frontman, Joe Jonas te chhungkua pawh vantlang hmuhah an inlan ve leh ta.

Kum 32 a upa Joe Jonas hi a nupui Game of Thrones star, Sophie Turner (kum 25) leh an fanu Willa te nen Los Feliz ah Nilaini khan bazar in an inzuichhuak a, nu ber Sophie Turner pawh fa an nei ta chu a kut a awl mai mai thei tawh lo. A bawr chho tan viau mai.

An fanu duat leh neih chhun Willa pawm in khawlai ah chhungkua in an inzuikawi ve diah diah a, a hmelthat leh chhiatloh ngai erawh in nu a nih tawh hnu ah pawh ala tha chho zel a nih hi.

Joe Jonas leh Sophie Turner te hian an intawn tirh khan an inkar thu hi hun eng emaw chen an thup a. 2016 atang a inzui tanin January 2017 ah Sophie Turner hian an thlalak post in an inkawp thu hi a puangzar chauh.

An inngaihzawn hnu ah kum 1 pawh a liam hma in October 2017 ah an inhual a, May 2019 alo nih chuan Jonas chhungkua ah mo thar lawilut in an inneih thu an fans te an hriattir. July 2020 ah an fa neih chhun ni mek Willa hi a piang ani.