Mizo Elite News hi ṭha i tihzawng a nih chuan min lo Follow dawn nia

Jennifer Lopez leh Ben Affleck ten an inkar hmangaihna an thup lo sawt hle

Celebrity news luah lum hneh tak pahnih Jennifer Lopez leh Ben Affleck te inkar pawh a nghet chho sawt zel a ni tih a hmuh theih a, an inkar pawh an thup lo sawt hle tawh.

J.Lo leh Ben te hi May 31 khan West Hollywood,California ah taksa si cheta inkuaha chhuak in zanriah an kil hmuh an ni a, hei hian tleirawl inkawp ang mai an nih loh zia a rawn tichiang hle.

An chhuahna ah hian Ben hian J.Lo hi a duat thiam viau a, Ben tan chuan kum tam tak hnu a a rohlu chan tak hmu leh ang mai hi a ni ber ang chu.

Jenifer Lopez hi chhelo viau mahse pasal leh ngaihzawn zawn kawng ah tluang lo ber pawl a ni. April thla khan a pasal hual Alex Rodriguez nen an inkar chhu chat in Ben Affleck tang a bel nghal chat.

An inkara hmangaihna mei an chhem alh leh hnu in hmun hrang hrang ah an hun hmang dun hmuh tur a tam chho tial tial a, Miami, Florida ah te Vacation an hmang lai thlalak ang reng te pawh Paparazzi ten an lo hmet fuh.

Tleirawl chhuak an nih atang daih tawh in an lo inkawp tawh a, an inhmelhriatna hmasa ber pawh 2001 ah khan a ni.Gigli ah an inlan dun atang hmangaihna khurah tla in an inchhai zui nghal.

2001 chho a Hollywood milar inkawp zingah pawh inhmeh tia phur tak a sawi kha an ni ve hman a,2002 khan innei tura inhual in mahse nupa tak tak a an la inneih hma in an inthen fel ta der.

Report thenkhat erawh chuan J.Lo leh Ben te hi an inthen hnu pawh khan thian tha tak an la ni zui tih sawi a awm a, hetia J.Lo in Alex a then khan kawppui neilo ta ve ve chu an intawng tha leh ta a ni.