Mizo Elite News hi ṭha i tihzawng a nih chuan min lo Follow dawn nia

Jennifer Lopez leh Ben Affleck ten an fate ve ve hruaichhuak in hun an hmang

Hmana hmangaihna dai tawh kaiharh thar a, an inkawp leh tak hnu a tuna khawthlanga milar inkawp hmuhnawm leh sawizui hlawh tak Jennifer Lopez leh Ben Affleck te chu chhungkua ni silo in chhungkua ang reng deuh tho siin hun an hmang dun leh riai riai mai.

Kum 48 a upa Ben leh kum 51 mi zaithiam te hian an kawppui hmasa te laka an fa te ve ve hruai tel in Zirtawpni khan Universal Studios Hollywood ah an inzuikawi diah diah a, rollercoaster ah te inngeih taka chuang hovin an hmuhnawm ang reng phian a ni.

J.Lo hi a fa phir Emme leh Max, 13 ten an zui a, an ni pahnih hi a pasal hmasa Marc Anthony laka a fate an nia, Ben fapa kum 9 Samuel hi a nupui then tawh Jennifer Garner nena an fa a ni ve bawk.

Nupa ah lo insiam duh ta thut pawh ni se an fate ah buaina an neih loh nan an fate ve ve nena chhungkua anga in tlangnel hmasak phawt an duh te pawh a ni ta ve ang. Kan hriat theuh ang in J.Lo leh Ben te hi an larchhuah tirh kum 2001 atang daih tawh a inkawp kha an ni.

Khatih lai khan an hmel pawh a la naupang dun in an inhmeh em em a, inhualna neia innei tura an inbuatsaih vek tawh chu thulh thut in an inthen zui ta a ni. An inthen hian inhuat zuina em em neilo in an inkar tha tak chungin an intha then tawp mai a ni.

Kum tam tak an inthen atang a vei tawh hnu in hmangaihna mit thiap tawh chu a nung thar leh a, J.Lo hian a pasal hual former professional baseball player, Alex Rodriguez nen an inhualna an tihtawp hnu ah vantlang hmuh leh hriat theih in an rawn inzuichhuak ta nghal chheng chheng a ni. Sawiselna tam tak leh an inkar hmangaihna a tak tak ringlo tu kat deuh nuk mahse J.Lo leh Ben inkawp duh tu ‘Bennifer,’ fans te tan erawh hei lo liam a lawmna tur dang hi a awm bik a rinawm loh.