Mizo Elite News hi ṭha i tihzawng a nih chuan min lo Follow dawn nia

Jennifer Lopez leh Ben Affleck te kum 18 a liam hnuah Red Carpet ah an inlan

Khawthlang media te ngaihven hlawh ber, an inngaihzawn thar leh hnu a chaw tui tak ni mek Jennifer Lopez leh Ben Affleck te chu kum 18 hnu ah Red Carpet ah hmuh dun an ni ve leh ta.

Bennifer tia an fans ten an koh hi Zirtawpni khan Italy a Venice Film Festival ah an inlan a, hetah hian Ben Affleck film chan thar ‘The Last Duel’ chu premiere niin J.Lo hian alo tawiawm a ni.

J. Lo hian Georges Hobeika gown mawi leh nalh tak ha chhuak in Jimmy Choo heels leh Cartier jewelry te a inbel bawk. Tleirawl inngaizawng thar te ang maia Affleck in J. Lo a care zia te chu Venice Film Festival a thil hmuhnawm tak a tling.

Nikum lama an inkawp that leh hnu ah tun hi vantlang hmuh a an inlan lehna hmasa ber a ni nghal. Red Carpet an zawh hmuh an nih hnuhnung ber chu July 2003 a ‘Gigli’ movie premiere na ah daih khan a ni tawh a hetih lai hian inhual lai niin mahse 2004 khan an inthen zui ta a ni.

Ningani khan Bennifer te hi Venice, Italy ah an thleng tawh zawk a, Lawng ah chuangin Movie Premiere hma in an intihlim hmasa te te phawt.