Mizo Elite News hi ṭha i tihzawng a nih chuan min lo Follow dawn nia

Jennifer Lopez leh Ben Affleck te inkar a Serious chho, an inkar ah tudang an tlazep thiang lo

Hollywood milar inkawp zinga tunhnaia thawm nei na ber chu Jennifer Lopez leh Ben Affleck te an ni. Kum 20 zet an inthen hnu ah hmangaihna hruikhat vuanin an inzui thar leh tawh a. Hman ang khan inthlah leh an tum tawh lo.

J.Lo leh Ben te hi Los Angeles khawpui a Staples Center ah LA Lakers game inkhel thlirin an inchhai dun a, Court sir ah inthlahlel takin taksa in si chet in thuthmun an rem a ni.

Inkhel ai mah chuan hmangaihna chena an inchhai vel hmuh tur a tam zawk mah tih mita hmu tu te ngei in an sawi a, Ben pawh a kut a awm awl tir mai mai thei lo. J.Lo hi kuah in a biangah a hmui a va tawk sak zeuh zeuh a ni.

An inkar hi Public ah thup teh chiam an duh tawh hran lo. J.Lo ngei pawh a kiangah a hmangaih ber a awm chu a ngaih a ngam a, thutna ah a mawng a hung nghet cherhchawrh viau.

Ben hi Lakers Game an en hma lawk hian WSJ. Magazine tan December/January cover ah a inlan. Hetah hian Ben chuan JLo nen an kar a that leh chungchang sawichhuak in “ka tan chuan thil duhawm ber a ni tawp mai” tiin hun tha dang an pahnih tan a in hawng chu a lawmzia a lo sawichhuak ani.

Jennifer Lopez hi hmangaihna kawnga a tluanloh zia chu mitam tak hriat tlanglawn a ni. Ben Affleck nen an intawn hma lawk hian Alex Rodriguez, 46 nen an inkawp reng a, innei tur hiala an inhual ren rawn tawh hnuah an inkar inzawmna chhu chatin an inthen.