Mizo Elite News hi ṭha i tihzawng a nih chuan min lo Follow dawn nia

Jennifer Lopez chu Ben Affleck nen sawi an nih mek laiin a hmangaih hlui Marc Anthony nen hmuhdun an ni leh si

Jennifer Lopez hmangaihna zinkawng buai hnawk tak hi tunlai Celebrity news luahlum tu ber ah a tang mek a, J.Lo hian media te rilru sukthlek pawh a ti buai vek tawh chu a nih ber hi.

Actor, Ben Affleck nen an inkar a hmangaihna thlipui tleh tir a nih mek laiin Jennifer Lopez chu a ex Marc Anthony nen Miami ah Lunch ei a dawhkan an kil dun hmuh an ni leh.

TMZ te chuan Jen leh Marc Anthony te lunch kil dun lai thlalak hi an phochhuak a, an ni pahnih hi 2004 atang 2014 thleng an inkawp a fa phir kum 13 Emme leh Max te an nei hman.

Source in a tarlan danin Jen leh Anthony te hi a landan atang chuan an inkar a that hmel hle tih an sawi a, mahse hmangaihna hawi zawng aiin inthianthatna in hmun a luah hnem zawk in an ngai.

April thla laihawl khan Jennifer hi a pasal hual Alex Rodriguez nen kum 4 an inkawp hnu ah an inthen a, Alex nen an move on atang reilo ah Ben hi Los Angeles a Jennifer’s mansion ah hmuh a ni ta a, heta tang hian an inkar ah chi nung piang in Montana ah Vacation an hmang te pawh hmuh tur a awm. Jersey Girl leh Gigli film buaipui lai 2002 khan inhualna an nei tawh a, mahse innei tura an hun ruat chu sawn hla hret zelin January 2004 khan Official takin an inthen fel ta a ni.

Amaherawhchu J.Lo leh Anthony te lunch an kil lai mek hian Ben pawh Nilaini khan a nupui hlui Jennifer Garner chenna in Brentwood, Calif ah hmuh a nih thu Page Six in a lo tarlang ve mek bawk.

Heng mi 4 te karah hian sawi belh ti tam tur ting tang in Jennifer Lopez bialpa hlui American rapper Diddy chuan an in date laia kut inkai chunga an thlalak chu a rawn throwback ve leh khanglang bawk si. Fans te chuan Diddy an thlalak a rawn post thar leh tak ah hian thil eng emaw inphum a awm an ring leh vat a, fans bakah media te rilru pawh a tibuai hneh hle a ni.