Mizo Elite News hi ṭha i tihzawng a nih chuan min lo Follow dawn nia

Jennifer Lopez Chu A Bialpa Ben Affleck Kiangah A Hlim, An Inkawp Hmasak Aiin Tuna An Inkar A Nghet Zual Zawk

Jennifer Lopez hian a pasal ni mai tawh tura a fans te ngei pawhin an lo rin leh beisei, Alex Rodriguez nen an inhualna chu chhu chatin, an inthen hnu lawk ah a bialpa hlui vek tang ah a bei leh nghal a.

Tunah zet chuan Jennifer Lopez leh Ben Affleck te hian an inkar an thup tawh lo viau. J.Lo ngei pawh a hmangaih hmasa nena hmangaihna thar nen hringnun a chhiar leh thei chu inchhirna a neilo tih hmuh theih in a lang bawk.

Zirtawpni zan khan J.Lo leh Ben te hi zanriah eiin an inzuichhuak leh a, Beverly Hills a Dinner an ei zo in lama an haw tur lam chu Car ah hlim taka an inchhaih dun vel lai chu thlalatu ten an thla an lo hmetfuh leh chat.

J.Lo hian thuamhnaw lamah cream blazer a inbelchhuak a, Avra restaurant chu a mipa hmangaih em em Ben nen an chhuahsan. Yves Saint Laurent handbag a khai chhuak bawk a ni.

Kum 2000 chho vel a an inkawp vanglai kha chuan milar inngaizawng hmuhnawm tak an ni thin hrim hrim a, mahse 2004 a herchhuah meuh chuan inthenna dar an khawng ri. Hemi hnu atang hian an chanchin hi a reh zui hmak a tih theih ang.

Mahse hun leh ni te a herliam zel a, an inthen atanga kum 17 zet a liam hnu ah kum in atang khan nun bul thar tanin an intawng leh ta a, hmangaihna kawng an zawh dun ve leh ta a ni.