Mizo Elite News hi ṭha i tihzawng a nih chuan min lo Follow dawn nia

Jeff Bezos Nupui Hlui MacKenzie Scott In A Hausakna Atanga $4 Billion Chuang Charity Ah A Donate

MacKenzie Scott hi khawvel hmeichhe zingah thil ti thei ber pawl a ni a, hmeichhe hausa bera hriat a ni. A ni hi Amazon neitupa Jeff Bezos nupui hlui a ni bawk.

MacKenzie hian a hausakna hi mi harsa leh tanpui ngai zawk te tan a ui loh zia a tilang leh a, a pawisa $4.1Billion zet chu Charities hrang hrang ah a sem kual a ni.

Philanthropist, Author leh Amazon founder Jeff Bezos nupui hlui ni bawk hian heng a pawisa thahnem tak te hi 384 food banks leh charities ah te a pe a,coronavirus pandemic hian American mi tam tak te run in a ti buai hle a, chhawmdawl an ngai tak zet tih a hriatchian thu a sawi bawk.

Tun hi sum a thehchhuah vawikhatna chauh a ni tawh lo. A hma pawhin $1.68billion chu July thla khan 116 organizations ah te a chhunglut tawh bawk. 384 organizations a a donate ah hian state 50 lai a huam.

MacKenzie Scott hi hriat theuh angin Amazon neitupa Bezos nupui hlui a nia, an nupa inthen hnu ah Amazon atang 4% chang ve in hmeichhe hausa ber dinhmun ah a vawrh chhoh phah. A hausakna $60.7billion ni anga tarlan a ni. Bloomberg te chuan Amazon stock price a san khan Scott hausakna hi $23.6billion zeta a thanchhoh thu an sawi.

DM