Mizo Elite News hi ṭha i tihzawng a nih chuan min lo Follow dawn nia

Jeans Kekawr Hak Vangin A Nunna A Chan Phah

Thalai te zingah thuamhnaw hi chu a chhuak thar a piang nei leh inbel tu nih hmasak hi a nuam dangdai ve hranpa hrim hrim. Amaherawh chu chhungkaw thenkhat hmanlai ve tak tak mai, tunlai thalai te lifestyle pawl pha lo hul hual hi an awm ve leh bawk thin. A then te chu an sakhaw vawn vanga thuamhnaw inbel thianglo tawp a nih vang te a ni.

India ram a tleirawl kum 17 lek a upa Neha tia koh chu a thuamhnaw inbel duhdan ah a chhungte rilrem a nih loh vangin kut thlak a tuar phah a, a nunna hial alo chan a ni.

He thil thlenna hmun hi Uttar Pradesh ah niin July 19 khan a ni. Nunna chan ta nula hian Jeans kekawr hak a uar thin hle a, hei hi a chhungte chuan an duh lo nasa a ni an ti. Tleirawl hringtunu Shakuntala Devi Paswan in a sawidan in a fanu hian Jeans a hak fo chungchang ah hian zilh hau a tawk thin. In chhunga Jeans a ha ziah chu a pu leh a patea te mit a kham a, na taka vua in a boral phah a ti a ni.

A pu leh a patea te vuakna ah hian a lu ah hliam na tak a tuar a, hei hi a thih pui ber niin an hriat thu an tarlang. An sakhua in puithu taka serhna thil an hman ah pawh Jeans a inbel a, a pu chuan a thuamhnaw hi a lo ngaithei der lo. Mahse Neha-i hian Jeans chu hak tura siam a nia, a hak mai thu in a lo chhang.

A nu chuan an chhungkaw zinga mipa te chuan a fanu nun dan chu an sawisel sak fo thin tih a sawi a, School chawlh san tur te a hrilhin an hnam inthuam dan anga thuamhnaw a inbel lo hi an hau ziah a ni.

Police te chuan Neha thihna ah hian a chhung te mi 10 lak ah thubuai ziah luh a nih thu an puang. The Indian Express te tarlan dan chuan he thualthahna thleng hi Jeans bakah thil dang inphum ru a awm an ring a, Investigation hi neih mek zel a la ni.