Mizo Elite News hi ṭha i tihzawng a nih chuan min lo Follow dawn nia

Japanese Princess In A Hmangaih Hnamchawm Pasal Atan Neih A Thlan Vangin Lalchhungkua Atang A Inhnukdawk

Hmangaihna dik tak chuan hausakna leh rosum leh pai reng reng a thlir lo. Duh loh tak nena khuangchawi ai chuan duhtak te nen kum 3 bahra laih zawn pawh a thlanawm an lo tih kha.

Kum 30 a upa Japanese Princess Mako chuan lal chhungkaw zinga mi nilo hnamchawm (commoner) tlangval chu pasal atan a neih avangin lalchhungkua atanga a inla hrang ta a, a nihna leh hamthatna a chan tur zawng zawng te pawh a chan vek.

Princess Mako hian Thawhlehni (October 26) khan a college sweetheart ngei mai Kei Komuro chu pasal atan a nei a, inneihna hi lal chhungkaw inneihna dan a nih miau loh vangin mawlmang taka hman ania local ward office ah inneihna hi an hmang.

Emperor Akihito tuchhuan Princess Mako hian lal chhungkaw hmeichhia ten an nihna hliha chanvo tur $1.3 Million zet a dawn tur pawh a hnawl hmiah. An lal chhungkaw dan ah lalchhungkaw zinga mi in hnamchawm mi nupui/pasal atan an nei a nih chuan lal chhungkua a nihna a chan tur a ni a, an dan zah tak chung si a pasal atan Kei a thlan vang in a royal title te hi hlihsak a tul a ni.

Princess Mako leh Kei te hi Tokyo a International Christian University a lehkha an zirna atang in an intawng a, heta tang hian inhmangaih in inneih hial an tum ta a, kum 2017 daih tawh khan an inhual thu leh an inneih tur thu puan a ni tawh. Mako hian hnamchawm pasal atan a thlan vangin Japan mi leh sa te ngei atang nasa taka chirh theh a tawk a, a rilru thlenga hliam niin post traumatic stress disorder a nei tih an sawi. Kei Komuro hi U.S ah lawyer hna a thawk a, an nupa hian New York lamah an cheng dawn.