Mizo Elite News hi ṭha i tihzawng a nih chuan min lo Follow dawn nia

Japanese Actress Chu A Apartment Ah Thi A Hmuh A Ni

Japanese actress lar tak zinga lang pha Sei Ashina chu tun Thawhṭanni khan Tokyo ah a apartment ah kum 36 a upa in thi in an chhar.

Sei Ashina thih chhan ah hian a management company leh Tokyo police te chuan mahni intihlum/inthat (suicide) tih an puan thu Variety in a tarlang.

Ashina hi kum 2007 a historical drama “Silk” a lead role a lak vangin a hming a chher hle a, mitam tak in an hmelhriatna pawh a nih chhoh phah.

Intihlum a nih chu pawm ni mahse engvanga intihlum nge a nih hi a chhan hriat mai theih ala ni lo. Engmah lehkha hnuhnung pawh a hnuchhiah lo bawk a ni.

A unaupa chuan a hmu hmasa ber. A ni hian a unaunu Ashina hi text message thawn in a call bawk a mahsela Ashina hian a chhang let thei tawh lo . A representative HoriPro chuan Ashina thihna chu a vanduaithlak in a nat tak zet thu a sawi bawk.

Investigation neih chhoh zel a ni a, Media ho te chu Ashina chhungte lungngaihna tawrhpui a interview ang te ti rih lo turin an inngen bawk.

Ashina hi a hming dik tak Igarashi Aya a ni a, 1983 ah piangin Japan’s Fukushima Prefecture ah a seilian. Tleirawl a nih in Tokyo lam ah a insawn a Actress ni mahsela Model in career a ṭan daih. Onscreen acting debut chu 2002 a mi Tokyo Broadcast System drama series ‘A Tale Of Happiness (Shiawase no Shippo)’ ah a ni.

DM