Mizo Elite News hi ṭha i tihzawng a nih chuan min lo Follow dawn nia

Japan Ram Chu Ruah Sur Nasat Luatah Lei Tawlh Thlengin Mi 20 Vel Chin Hriat Lohin An Awm

Japan ram a Atami ah ruahsur nasa lutuk vanga leimin/leitawlh thleng in mi eng emaw zat chin hriat lohin an awm mek a, nunna chan pawh an awm nual rin a ni.

Tarlan dan in leimin/leitawlh thlen hun hi nimin July 3 a thleng kha a ni. Japan ram hi tlangram a ni a, fur a herchhuah a piang in khuarel chhiatna duhawm lo hriat a ni fo. Kum in July thla tir atang khan ruah hi a la sur char char a, kum kalta aia tam daih kumin July thla hian ruahtui an dawng tawh.

Television footage hmuh theih atang tlang lam atang chirh nasa tak chu khawpui ah hian tui ang maiin a luang ri hum hum a, mipui te chu an sahimna turin tlanchhe tura hriattir ni mahse hmun sang lam pan hman lo pawh an awm.

Heng Chirh luang lut te hian bawlhhlawh thahnem tak an keng tel a, buildings leh chenna in bakah lirthei eng emaw zat a tichhe bawk. Chenna in 80 vel zet chu a luan hnan. He thu buatsaih lai thleng hian mithi pahnih hmuh an ni tawh a, mi 19 atang 20 te chu chin hriat lohin anla awm mek.

Lei tawlh hian Electric a tihchhiat tel thluah vangin chenna in 2,800 lai in Power an khaih lak. Japan’s meteorological agency chuan ralkhel dar a khawng a, disaster management team te pawh rang takin chhanchhuah leh mibo zawn hna an thawk nghal a ni.

A hmun a awm mita hmutu te ngei sawi dan in a thawm chu rapthlak tak a ni a, chirh rawn luangthla mek laka an sahim nan tlanchhe turin an au chel chul mai a ni awm e. Japan hi nikum pawh khan tun ang hun velah tho tuilian vangin khuarel chhiatna an lo tawk tawh a ni.