Mizo Elite News hi ṭha i tihzawng a nih chuan min lo Follow dawn nia

James Corden tawngkam vangin BTS Fans te an thinrim

BTS Army te hi Internet ah pawh fandom lian leh che na ber an ni hial a tih theih a, an Idol te zahawmna hum him kawng ah theihtawp an chhuah thin. Army te tanrual zia hi The Late Late Show host hi hrechiang ber tur a nih laiin tawngkam a chhep sual ta tlat.

BTS te hi United Nation General Assembly ah special envoy in an inlan a, he hun ah hiam climate change leh vaccine chungchang sawiin Perform na hun an hmang tel nghal bawk a ni.

September 20 a The Late Late Show With James Corden episode tihchhuah ah chuan host, James Corden chuan BTS te UN a sawm an nih chungchang chu nuihsawh rawngkai zawngin tawngkam a chhakchhuak a, BTS fans Army te chu hmeichhe kum 15 vel ang nen a tehkhin sak.

“United Nation General Assembly chu tukin zingah New York ah neih tan a ni ta a, he hun chhim tu zingah hian BTS te an tel a ni. Tun hi thil thleng chhinchhiah thlak tak a ni a, a vawikhat nan khawvela hmeichhe kum 15 upa te chuan Secretary General, Antonio Guterres nih an duhthusam a ni theuh” a lo ti pek.

Tun hi BTS te UN General Assembly ah an inlan vawikhatna a ni tawh lo a, hetiang hre tlang sa chunga a tawngkam duhtui lo leh Army te hmeichhe kum 15 ang nen a tehkhin hian Social Media ah nasa takin thlipui a tleh tir phah.

BTS leh James Corden te hi in thiamtha tak an ni a, James Corden ngei pawh in a Show ah inlan turin a sawm fo tawh. Fans te ngei pawh in “Papa Mochi” tiin an koh phah hial reng. Mahsela a tawngkam chhehsual hlek atang The Late Late Show hi Google ah rating a tlahniam nasa nghal hle. 4.2 atang in 1.2 ah a tla thla a ni.