Mizo Elite News hi ṭha i tihzawng a nih chuan min lo Follow dawn nia

Jacket vangin tlangval 3 ten an thian pakhat rawng takin that, Police ten misual man turin Km thui tak an kal phah

Delhi’s Mangolpuri area ah mipa kum 18 a upa chu thah a ni a, misual te man nan hian Police te pawh 5000-km zeta thui an tlan a ngaih phah ani.

Police te chuan mipa 3 te hian an thianpa Santosh Prasad an thah chhan ah hian a Jacket hawh a phal loh vang tih an sawi a, December 25 khan an intibuai a, mipa 3 zinga pakhat hian a Jacket hi hawh a dil a, Santosh hian phal bik lovin a nunna hial in a tawrh phah ta ani.

Intihbuaina a thlen tuk ah Santosh Prasad nu chuan a fapa chu in ah alo hawn loh thu leh investigation nei turin Police hnen ah a thlen a, a fapa hmuh a nih hnuhnun berna leh mipa 3 te nen hmuh an nih thu te a hrilh. Police ten Santosh nu thusawi bawhzuiin an colony Mangolpuri a mipa 3 te chu an zawng a, mahse an lo tlanbo hman.

Police ten misual te hi sezawl chhuah mai lovin an tlanbo tih an hriat hnu ah an umzui ve nghal vat a. Midang hnena thu thar an hriat danin misual zinga pakhat chu Kanpur ah a pi hmu turin a kal. Kanpur a Police te an thlen hian alo awm lo a, Gaya, Bihar a hmuh a nih thu an dawng leh.

Gaya an thlen chuan an awmna hmun chu an lo chhuahsan leh chiah zel a, Agra atang Rajasthan thleng an umzui hnuah an man thei chauh. Misual te hi Prince, Harshu leh Javed te an ni.

Man an nih a Police ten thu an zawhfiah chuan an inpuang ta a, Santosh hian Jacket mawi deuh a nei a, hawh dila a phal loh hnuah chem a vit in tui luankawr ah a ruang chu an paih tak thu an sawi. Thu zawhfiah na an neih hnu ah Santosh ruang hi zawn hmuh ani. He tualthahna ah hian misual 3 te hi engtiangin nge hremna pek an nih dawn tih erawh puanzar ala nilo.