Mizo Elite News hi ṭha i tihzawng a nih chuan min lo Follow dawn nia

ITBP Inspector In Parade Ah A Fanu Salute A Pe Lai Chuan Internet A Luah Hneh

Khawi ah pawh nise hna leh chhungkaw thil thliar hran thiam hi mi fing zia a ni. I fanu/fapa kha inchhungkhur ah chuan i thu an ngaichang ang a, mahse hnathawhna hmun ah nang ai a dinhmun sang zawk a chelh miau chuan a hringtu pa pawh ni la i fa chu zahderna lantir zak ngai suh. Hei hi hnamdang chuan an ngai pawimawh.

Indo-Tibetan Border Police (ITBP) Inspector Kamlesh Kumar leh a fanu te salute in pekna hian Internet ah thlir a hlawh hle. Diksha hian August 8 khan ITBP Assistant Commandant a zawm. ITBP te hian hmeichhia officer te hi UPSC exams a tling atang an lak a nia, Diksha hi Prakriti nen Assistant Commandant ah hian an lut a,tun hi hmeichhia officer pahnih tlinna a ni.

Diksha hi ITBP Academy, Mussoorie a Passing Out Parade an neih ah chuan a pa Insp/CM Kamlesh Kumar chuan salute a pe a, an hnathawhna kawnga an pafa inzahtawn na lantir hian mite thinlung a hneh khawp.

Officer Diksha hian news agency ANI ten an biangbiakna ah chuan a pa chu a role model a nih thu leh kawng engkim a phurna pe thin tu a nih thu in a lo fak hial nghe nghe. A pa tan chuan fanu chhuanawm tak leh innghahna tlak a nei hi a thiante zing ah pawh a hmai uan thlak viau ang tih a rinawm.