Mizo Elite News hi ṭha i tihzawng a nih chuan min lo Follow dawn nia

Italy Thlanmuan Leitawlh Ah Kuang Tam Tak Chin Hriat Lohin An Awm A, Tui Ah An Lang

Italy ram a Camogli ah tuipui kiang kham hnaih a thlanmual awm chu leitawlh vangin kuang tam tak te chin hriat loh in an bo a, kuang thenkhat hi tuipui ah an lang nuk hlawm.

Thlanmuan awmna hi north-west city of Genoa kiang ah a ni a, tourist resort a ni. Thawhtanni dar 3pm khan lei hi a tawlh/min a, Chapel pahnih te chu a tichhe vek bawk.

Kuang 200 vel chu leitawlh/leimin hian tuipui ah a hnawl thlak pui a, heng zinga 10 te erawh chu an lachhuah thei. Chhungkaw tam tak te chu an hmangaih thi ta te kuang bo leh chhia avang hian an mangang viau a, theihtawp in kuang hi zawn leh lakchhuah hna an thawk nghal.

Tualchhung media te tarlan dan in coastal erosion a ni an ti a, lei hi a nghet tawh lo. Leitawlh hma hian Mediterranean region of Liguria chu thlipui in alo nuai tawh vang a ni.

Mite chuan leitawlh hi an chenna in atanga thawm an hriat rual in an tlanchhuak a, an hmangaih boral ta te kuang tui a an lang leh lung khawkrawk kara an tang thlir mai loh chu tih theih an nei tawh lo. Thlanmual hi sea level atang 70 metres a awm a ni.