Mizo Elite News hi ṭha i tihzawng a nih chuan min lo Follow dawn nia

Italy Mangang In A Rum, Nimin Khan Italy’s Epicentre Ah Mi 546 Laiin Nunna Chan

Khawvel hmun hrang hrang a hrileng mek Coronavirus chuan zual lam a la pan chho zel a, a bikin Italy chu tunah hian mangang leh thlabar in a rum mek a, he hrileng tuar nasa ber ah an rawn ṭang.

Nimin Inrinni khan 793 chuang lai mithi awm leh in heng zinga mi 546 te chu Italy’s epicentre Lombardy region a mi te an ni. Thursday liam ta khan Italy hian China chu mihring nunna chan lam ah a khum der tawh a ni.

Tihian Italy ah hian mihring thi hi 4,825 a kai tawh a, Europe lam in he hrileng hi an tuar nasa zual bik hle. Spain ah mithi 1,300 leh Iran ah mithi 1,500 an chuang ṭheuh tawh bawk.

Thulakna in a tarlan dan in khawvel pum ah Coronavirus vei hi 300,000 chuang an awm tawh a, heng zing a 91,500 vel chu Recover niin 12,944 vel in nunna an chan tih Johns Hopkins University chuan a tarlang.