Mizo Elite News hi ṭha i tihzawng a nih chuan min lo Follow dawn nia

Israeli Airstrike Ah Gaza Hmeichhe Naupang Kum 6 Damkhawchhuak, A Pa Nen Damin An Inhmu Leh

Israel leh Palestine te buaina ah thisen tam tak a luang tawh a, pawisawi lo naupang te pawh nunna chan zingah an tel nual. An khawngaihthlak hle a ni.

Gaza atang pawh in mi tam tak hliam an awm a, hmeichhe naupang kum 6 a upa Gaza mi Suzy Eshkuntana chu an chenna in tihchhiat a ni a, mahse vanneih zingah tangin Israeli airstrike ah a dam khawchhuak.

Suzy Eshkuntana hi an chenna Building kehsawm karah nungdam in chhanchhuah a ni. Darkar 7 chhung chu building kehsawm karah hian a tang. An chhanchhuah hnu hian damdawiin ah tha taka enkawlna a dawng nghal.

Suzy Eshkuntana hi a khawngaihthlak em em chhan pakhat leh chu buaina chhuak ah hian a nu leh a unau dang 4 te an thi vek. Amah leh a pa damah an tang a, Shifa hospital ah an pafa in an hmu leh.

A pa Riyad Eshkuntana chuan “min au lawm lawm a, mahse i bulah khan ka lo kal thei silo a. Ka fanu min ngaidam rawh aw” tiin ngaihdam a dil a, a fanu in hrehawm ti taka an chenna in kehsawm kara hlauthawng reng renga hun a hmang a ngaihtuah in hrehawm a ti hle.

Riyad Eshkuntana pawh hi a fanu enkawlna damdawi in ah vek a hliam vangin a awm ve mek. Pathianni a thil thleng kha a ni a, Gaza health officials te tarlan dan in mi 42 thi zinga 10 chu naupang an ni.