Mizo Elite News hi ṭha i tihzawng a nih chuan min lo Follow dawn nia

Israel Mi 100 Vel Teh Meuh Pungkhawmin India Ramin Covid Second Wave A Hmachhawn Mekah Hnehna A Chan Theih Nan An Tawngtai Sak

India ram in hun thim leh ralmuanawmlo tak a tawn mek hi ram dangte pawh in an hmuh in an khawngaih a, Medical lam an indaih loh bakah in enkawlna neih ang pawh in hrivei te a daih zo tawh lo a, nitin in an pung zel mai bawk si India hi he khawchhak hri vang hian a mangang tawh tak zet.

Zirtawpni khan he Video hi Internet ah lar chiam a, Israel mipui te thil tih hian India ram pawh a ti lawm ve khawp mai. Mi 100 bawr vel Israel mi te chu Tel Aviv ah pungkhawm hlawm in India ram in hripui rapthlak tak in a nuai mek hi hneh a, hri hian kian zai a rel thuai theih nan tawngtai ho na an lo nei a ni.

‘OM NAMAH SHIVAY’ tia zai hla a chawi chungin lungrual takin India tan hian an theih leh phak ang tawkin an awmhmun ah an lo tanpui. Israel leh India te hi inthiantha tak an ni a, kum tin Israel mi eng emaw zat te chuan India ram Himachal Pradesh, Uttarakhand ah hun hmang in an zin thin.

Hrilen tan tirh khan Israel hian Case a nei nual hman, mahsela tunah erawh chuan hri in a kian san tawh a, Recover rate pawh a sang. 838,858 case an neih ah 831,432 te chu an damchhuak a ni.

Nunphung pangngai takin zirna pawh chhunzawm leh theih a ni tawh a, India hnen ah Oxygen concentrators leh respirators hmang ten alo tanpui. He video hmuh nuam tak hi Indian embassy official Pawan K Pal in share in Israel te chu India te tan beiseina thar siam sak tu an ni a lo ti bawk.