Mizo Elite News hi ṭha i tihzawng a nih chuan min lo Follow dawn nia

ISIS-K Ten Bomb Hmanga Nunna An Laka US Marine Thi Zinga Tel Khan A Nupui Raipuar Mek A Kalsan

Ningani kal ta a Kabul a ISIS-K suicide bomb hmanga mi 100 tel nunna an lak zinga tel ve 13 US troops zinga vanduaia tang ta Rylee McCollum, 20 khan a fa hmasa ber pawh hmu hman lo in a nun a chan.

Marine Rylee McCollum hi Afghanistan ah khan a awm pawh la awm rei lo. October thla ah an chenna in lamah let leh beiseiin a fa hmasa ber hmu thuai turin a inpuahchah ve ran a. Mahsela a suangtuahna te chu a tak ramah a thleng thei ta silo.

Bondurant, Wyoming ah an inbengbel a, 2019 khan Jackson Hole High School atang graduat in kum 18 a nihin US Marine Corps a zawm. A nupui Jiennah Gigi Crayton, 20 nen February thla khan Las Vegas ah an innei.

A pasal chanchin a hriat in Gigi hi khawngaihtu an thahnem hle. Facebook ah a pasal thlah in a thihna chuan a tihnat thu leh an fa lo piang mai tur tan pa tha tak a ni hman lo chu a rilru a na. “Ka pasal ti a ka ko thei che hi ka inchhuang a, he chhiatna thlenga chhungkaw tuartu zawng zawng te ka tawrhpui a, nunna chan ta te heroes an ni kumkhu tawh dawn a ni” a ti.

A unaunu Cheyenne McCollum chuan Associated Press hnen ah “Pa nih thuai a nghakhlel em em a, a fa tan pa tha tak nih ngei a tum a sin” tiin a hrilh. Cheyenne McCollum chuan a tet lai atang tawh in a unaupa hi Silai leh Sipai thuam te a ngai nat hle thu a sawi.

Kabul airport a ISIS-K suicide bomber ah khan 183 ten nunna an chan. US soldiers thi zing a mi hi 11 Marines, 1 Navy sailor leh 1 Army soldier an ni. Thi te hi an hming erawh puanzarna mumal neih a nilo. President, Joe Biden chuan an mi leh sa nunna laksak tu te lakah hian phuba lak ngei an tum a, an en liam mai dawn lo tih a sawi chiang bawk.