Mizo Elite News hi ṭha i tihzawng a nih chuan min lo Follow dawn nia

Isarael A Hnathawk Hmeichhia Chu A Pasal Nen An In Video Call Laiin Palestinian Rocket Strike Ah A Nunna A Chan

Indian nu pakhat tuna Israel a hnathawk lai mek chu Gaza leh Israel te inkar innghinghona chhuak vangin nunna chan zingah a tang a, Thawhlehni khan Palestinian rocket strike ah a thi.

He hmeichhia hi Kerala Idukki district a mi kum 31 a upa Soumya Santosh a ni a, Israel a Ashkelon ah housemaid in hna a thawk. Palestinian militant group Hamas ten rocket hmanga an beih khan Rocket hian vanduai thlak takin an chenna lai a deng fuh.

Thil thlen lai hian a pasal Santhosh nen an in Video Call lai mek a ni nghe nghe a,Santhosh unaupa chuan “ka unaupa nen an in video call mek lai in thil puak ri ring tak a hria a, hemi rual hian call hi a in disconnect nghal hmak. Midang hnathawk dang kan biahpawh hnu ah thil duhawm lo thleng hi kan hre ta a ni” a ti.

Soumya hi Israel ah hian kum 7 chhung a awm tawh a, fapa kum 9 mi neiin a pasal nen Kerala ah hian an cheng. Amah hi Kanjikuzhy panchayat member thin Satish leh Savithri te fanu a ni. Kerala a kir hnuhnung ber pawh kum 2017 daih kha a ni tawh. Vanneihthlak takin a awmpui kum 80 mi erawh nunna a chan lova mahse damdawiin ah hruai niin a dinhmun a derthawng hle niin tualchhung media ten an tarlang.

Soumya Santosh chunga thil thleng duhawm lo tak avangin India ram mipuite an lungawi lo a, MLA thlan thar leh Nationalist Congress Kerala leader Mani C Kappan chuan thil thleng hi a dem zia Twitter ah sawiin Israel a Keralites hnathawk dangte pawh an dinhmun a hlauhthawnpui thu a sawi a ni.