Mizo Elite News hi ṭha i tihzawng a nih chuan min lo Follow dawn nia

Ireland Baldwin in Selena Gomez fans te lakah Hailey leh Justin Bieber a chhan

Fashion event lian leh ropui tak MET Gala chu neih zawh a ni a, heta Event chhim a kal zingah chuan Justin leh a nupui Hailey Bieber te chu a langsar pawl an ni bawk.

Justin leh a nupui Hailey ten Gala an rawn zawh hi Selena Gomez fans lam atang erawh in hmuhnawm tak thil a ni hran lem lo. Met Gala a Justin te nupa kaldun chungchang ah Selena Gomez hming an sawi ri tel leh hram. Kum in hian Selena Gomez hi MET Gala ah a kal lo a, a kal loh chhan chiang tak hi hriat a ni lo bawk.

Selena hming an lam tei vet chu Hailey cousin Ireland Baldwin in a hmuh in a rilru a lo natpui hle. Justin te nupa thlavang hauh in Haters te chu a tawngkhum ve sak. Ireland hi Alec Baldwin fanu a nia, Hailey pa Stephen Baldwin te nen unau an ni.

Ireland chuan Justin leh Hailey te chu nupa duhawm leh inhmeh ber an ni a ti a, heng in thil sawi hi eng vak ah an ngai lo a, an bengkhawn hek lo tih a hrilh a ni.

Hailey duh tu ten Ireland hi an thlawp zui nghal hle. Mi pakhat chuan “tun ah chuan nupa an ni tawh a, ban san tawh rawh u. Thil mawilo tak a ni” tiin a sawi.

Tun hi Justin leh Hailey te MET Gala kal dun na hmasa ber a ni a, 2018 khan Hailey hi Candian zaithiam vek Shawn Mendes nen an lo kal dun tawh a ni.