Mizo Elite News hi ṭha i tihzawng a nih chuan min lo Follow dawn nia

iPhone A Duh Luat Vangin Khum Betin A Awm Phah

Apple Company in October 13 a iPhone 12 an launch khan mitam takin an sawi duh in, a ṭhat thu leh a man (price) san zia te an sawi huai huai a nih kha.

Netizens ah memes tam tak a chhuah phah hial reng a, a ṭhen in pawisa rukchhuah leh kal (kidney) hralh hial te an sawichhuah phah a ni.

iPhone hi ṭhalai zingah ngat phei chuan ngaihsan leh chung en a hlawh hle. Memes an siam karah hian a phen ah thil thleng tak tak a awm a, China pa kum 25 chungah iPhone vangin harsatna a thlen phah tawh.

Kum 2011 khan Wang Shangku tia koh chuan Apple devices 2 a lei theihna turin a kal (Kidney) a hralh phah a ni. Hetih lai hian Wang hi rawlthar kum 17 lek a la ni bawk.

iPhone a it leh awh ngawih ngawih na chuan a taksa peng pawh a ui thei lo. A kal (Kidney) hi Black Market ah $3273 USD in a hralh a,iPhone 4 leh iPad2 te a lei a ni.

Hunan province ah a kal dinglam zawk chu lachhuak in dan lo angin Surgery hi an nei. Mahsela tun ah zet zawng kha a thil tih avang khan inchhir ngawih ngawih in hun a hman phah.

A kal lakchhuak na lam ah felhlel a awm vang chuan dialysis machine nen hun hmangin khum betin hringnun hrehawm tak a chhiar chhoh a ṭul phah ta a ni.

A nu in a kal a hralh tih a hriatchhuah meuh chuan a lo tlai lutuk hman tawh. Taksa peng hralh hi hmun hrang hrang ah hriat tur a awm fo a, organ trading avangin mi eng emaw zat thubuai siam sak an ni tawh bawk.

Itna leh awhna hi chu mihring ah a awm tur ve reng a ni a, mahse kha i thil awh leh neih i duh ngawih ngawih kha i taksa peng themte ai pawn a hlu lo zawk a ni.

IT