Myanmar ram mipui te chuan tun thleng in an zalenna sualchhuah ngei tumin an la bei zel a, rorel lai paihthlak a nih atang khan chawlhzai reng an la rel lo.
Naktuk mai April 24 a Indonesia khawpui Jakarta a ASEAN Summit neih turah sipai hotu ber Junta Chief, Min Aung Hlaing chu a vawikhatna atan a tel ve dawn a, Myanmar leh ramdang nena insumdawn tawnna chungchang ah a ni.
He ASEAN Summit hi sawrkar dinglai an paihthlak hnu a Min Aung Hlaing ramdanga a zinchhuah lehna hmasa ber tur a ni bawk. ASEAN Summit a tel turah hian Myanmar’s National Unity Government an lungawilo hle.
ASEAN ten an ram hi chinfel an duh chuan Min Aung Hlaing hian tangkaina a nei lo a, NUG lam an biak loh chuan Summit hian awmzia a nei lo an ti. Ram mipuite hi NUG lam tang an nih zawk vang a ni.
Interpol te hnen ah NUG hian ngenna an siam a, Indonesian police te nen tangkawp a ASEAN summit tel tura Jakarta a pan veleh junta leader Min Aung Hlaing hi man nghal tur in an ti.
Myanmar’s military ten February 1 atang khan thuneihna an in rochun a, State Counselor Aung San Suu Kyi leh President Win Myint te chu an hreng zui a nih kha. Hei hi 1988 hnu a Coup in an hren leh hriat hmasak berna a ni.
Hetia sawrkar lai an paihthlak chhan ber pawh The Suu Kyi-led National League for Democracy ten Novrmber thla a General Election ah hnehna an chang a, sipai lam in inthlan ah khan thil felhlel leh diklo a awm tiin tanchhan ah an hmang.