Mizo Elite News hi ṭha i tihzawng a nih chuan min lo Follow dawn nia

Internet Atanga A Hmelhriatin A Kohchhuah Hnuah Mipa 6 In An Pawngsual Rawn

Mi hi rin lutuk tur a nilo. A bikin Internet atanga hmelhriat ngat phei chu rinsual hi an awl duh chawk a, hemi kawngah hian mitam tak an lo tlusual reng tawh thin bawk.

Malaysia ram Kulai ah hmeichhe pakhat kum 29 a upa chu Internet atanga a hmelhriat mipa pakhat in chhuapui tura a sawmna alo pawmsak mai vangin a chetsual phah a, mipa 6 laiin an pawngsual rawn nia hriat a ni.

He hmeichhe khawngaihthlak leh lainatawm tak mai hian amah pawngsualtu zinga pakhat nen hian nikum November thla khan WeChat application hmangin an inhmelhriat a, heta tang hian inbe chhunzawm zel in a ring ve em em bawk. A chunga rilru chhia a pu duh lo ang tia ngaiin amaherawh chu a rin em em lai reng hian hnung lam atang a bei thut a, damchhunga inchhira a indawmkunna tur ser chu a hnuchhiat sak ta zawk.

Hmeichhia hnen atang hian Police te chuan call an dawng a, Taman Muhibah Saleng a chenna in pakhatah he hmeichhia hian mipa 6 in an pawngsual rawn tiin thubuai a thehlut a ni. Police te hian chenna in lam hi an pan nghal a, tualchhung mi mipa 6 te hi a hmun ah an man.

An vai hian Kulai IPD ah investigation nei tura hruai an ni. Johor Contingent Police Headquarters (IPK) pawh a hmun ah an thleng ve nghal. Screening test an neihsak chuan an vaiin Drug an negative vek a, ni 6 chhung hren an ni dawna vawiin atang December 13 thleng custody ah hun an hmang ang.

Case hi Penal Code Section 376 in chhuihna thawh mek zel a ni bawk. Thiamloh chantir an nih chuan na taka vuak an nih mai bakah kum 20 lai Jail an tang dawn a ni.