Mizo Elite News hi ṭha i tihzawng a nih chuan min lo Follow dawn nia

Instagram Influencer Pakhat Chu Tuikhawhthla Sanga A In Selfie Na Ah Nunna A Chan

Instagram kaltlanga hriat hlawh tak mai influencer hmeichhia Sofia Cheung, 32 chu Hong Kong a Trip an neihna ah chesual palhin a in Selfie na ah a boral tih hriat a ni.

The Sun in a tarlan dan in Sofia Cheung hi Inrinni khan a thian te nen Ha Pak Lai ah trip nei in an kalchhuak a, Yuen Long kianga tuikhawhthla Tsing Dai stream hmawr lam ah chuan thlalak tumin a pan phei. A balance hloh thutin metre 5 a sang atang chuan tui ah a tla thla.

A thian ten tanpuitu emergency services te chu a rang thei ang ber in an ko nghal thuai thuai a, Cheung hi Hong Kong damdawiin panpui a nih mek laiin a boral a ni.

Cheung hi Instagram ah pawh 17k aia tam mah zuitu a nei tawh a, adventure lam kaihhnawih ngaina tak niin a thlalak post reng reng ah pawh hmun sang leh hlauhawm tak tak ah te thla a la fo thin.

Post a siam hnuhnung ber chu July 9 khan a ni a, a chanchin duhawm lo tak hriat a nih atang a thiante leh a hmelhriat te chuan thlahna siam in a boral chu rin harsa an tih thu an tarlang nasa hle.

Selfie mawi duh luat na lama thih phah hi sawi tur an awm nual tawh. Tunhnai mai pawh khan Mexico ah hmeichhia kum 23 chu a thlalakna lam ah tuikhawhthla metres 8 a sang atang tla thla in, tui current chak takin a len zui a, a ruang hi a tlak atanga ni khat a liam hnu ah hmuh a lo ni chauh bawk.