Mizo Elite News hi ṭha i tihzawng a nih chuan min lo Follow dawn nia

Instagram Hausakpui Zingah India Atang Mi Pahnih An Lang

Social Media platform zingah pawh langsar ber Instagram hmang tangkai zual milarte chu Hopper HQ in a rawn tarchhuak a. Heng milar list a lang te hian Instagram kaltlang in pawisa thahnem tawk tak an huilut chur chur a ni.

Hopper HQ in Instagram Rich List 2021 a dahchhuah ah hian India ram atang mi pahnih an lang ve a, an ni pahnih hi India ram ah pawh an mahni kalna line a hlawhtling ve ve an ni.

Indian cricket team captain Virat Kohli chu Instagram Rich list 2021 ah hian Top 20 ah a awm a, Kohli hian sponsored post atang hian $6,80,000 zel a hauh thei dawn. Bollywood & Hollywood actress Priyanka Chopra Jonas chu No.27 ah a lang a, Priyanka hian a post siamah hian $4,03,000 zel a hlawh a ni.

Portugal footballer Cristiano Ronaldo hi Instagram chhawr tangkai leh hausak pui ber a ni mek a, Ronaldo hian product a fakna atang hian $1.6 million zet a hauh zel thei a ni. Hopper HQ hian kum tin List hi an tichhuak thin a, an ni hi UK-based social media management company an ni.

Keini in sum leh pai sengin kan lo khawih ve hram hram thin a ni a, mihring theuh theuh kan va in ang lo tak em.