Mizo Elite News hi ṭha i tihzawng a nih chuan min lo Follow dawn nia

Instagram Ah BTS Thlipui A Tleh, Maktaduai 10 Zuitu Nei Rang Berah ‘V’

South Korea Boy Band, BTS ten rimawi khawvel an awpbet hneh hle a. Music Industry mai bakah Social Media platform thleng pawh in an lar rem rem khawp mai.

December 6 ah an Agency Big Hit Entertainment chuan thuchhuah an siam a. BTS te hian Los Angeles khawpui a 2021 Jingle Ball Tour an neih zawh atang in hun eng emaw ti chhung chawlh an neih tur thu an puang a ni.

Record Label hian engchen nge an chawlh dawn tih chiang takin an tarlang tel lova, hei hian an fans Army te a ti lungngai hle. Amaherawh chu thuchhuah an siam zawh atang reilo ah chanchin lawmawm tak neiin member 7 te Jungkook, Jin, J-Hope, Jimin, V, Suga leh RM te chuan Social Media lun ber pawl Instagram ah mimal in Private Account an hawng.

Hei hi chawlh an neih dawn vang a ni a, an chawlh chhungin an chanchin tharlam an tarlanna tur a nih hmel. Member ten Account an neih thu a darh hnu hian Instagram ah BTS thlipui a tleh huk a ni ber.

ET in a tarlan dan in BTS te hian mimal a Instagram Account hawn atang darkar tam a liam hma in mataduai 1 Followers an nei hman vek a. An zingah Kim Taehyung (V) chu maktaduai khat followers hmu rang ber niin darkar 5 ai rei lo ah 10 Million zuitu nei tling in Jennifer Aniston in record a siam darkar 24 a follower a hmuh hnem 8.7 million chu a rawn khum nghal der.

Followers hi a danglam reng vangin a zat chhiah tarlan mai theih a nilo a, tuna i chhiar lai mek pawh hian pun lam a pan chho zel. BTS’ official Instagram account hian tun ah hian 53 million followers a nei mek bawk. Tun hi Band Member ten an debut tirh atanga Instagram private account an neih hmasak berna a ni.

Agency te thuchhuah atang a landanin kum 2022 chawhma ah an kir leh beisei an ni a, bul tan thar in album thar leh concert nen an fans te an awi tlei leh ang.