Mizo Elite News hi ṭha i tihzawng a nih chuan min lo Follow dawn nia

Inneihna Hmanga Jaimala Ceremony An Neih Mek Lai Chuan Mopa Nu Chu A Fapa Chungah Mak Takin A Khawsa

Inneih hi mihring kan nih chhunga kan hun ropui leh hlimni ber a ni a. Hetih lai hian inneih na thenkhat erawh chu zah chem chem na hun a ni ve thei tho bawk.

India rama nupa tuak thar ni mai tur ten inneihna an buatsaih ah chuan thil danglam tak a thleng a, Social Media lah a chak nasa tawh ang reng si a, an lar zui phah ta hrep a ni.

Video Clip pakhat darchhuak ta ah hian mo leh mo neitu tur ten inneihna hmangin jaimala ceremony hun an hmang mek a,an hmalam hun te suangtuah chungin hlim pawh an hlim dun hle.

Amaherawh chu chutia jaimala ceremony hmanga an inher mek lai chuan mopa hringtu nu chu Stage ah lawn chho in a slipper bun lai a phelh lawk a mo neitu ber a fapa chu alo hlap chiam a ni.

Mopa nu khawsak dan chuan inneih chhimtu te pawh a thawng hle a, a nu hi Stage atang an pawt thla. Eng vanga a fapa hi a slipper hmanga hlap ta mai nge tih hi an hrethiam lo hle. India ramah chuan slipper hmanga in vuak hi inhmuhsitna tawpkhawk ang ah ngaih thin a ni bawk.

Inneih buatsaihna hmun hi Uttar Pradesh state a Hamirpur district, Bharuwa Sumerpur khua ah a ni. A4Times tarlan dan in mopa hian a chhungte remti lo leh pawmpuina lo chungin nupui a nei lui a, a nupui lah an chhungkaw rilrem loh caste dang a nih vang a ni.

Mahsela mopa hian a chhung ten an duh loh hmeichhia chu a hmangaih tlat si a nupui atan a nei lui. Mo atan an pawm sak miau silo chuan a chhungte pawh amah leh hmeichhe chhungte atang an sawm hran duh lo a, a chhungte erawh in an lo hre leh vek si, inneihna hmun ah a nu hi thinrim takin a thleng a, engdang sawi set set lovin a fapa chu slipper in a vaw ta hmiah hmiah mai.