Mizo Elite News hi ṭha i tihzawng a nih chuan min lo Follow dawn nia

Inneihna An Hman Lai Mek In Mo A Thi Thut, A Aiah A Unaunu Zawk In A Pasal Tur Neih Phahin Hunserh Hman Tlang A Ni

India ram Uttar Pradesh a Etawah city ah chuan chhungkaw hnih ten pum khat ah insiam tum in inneihna an buatsaih a, mahsela inneihna zawh fel a nih hma in vanduaina lian tak mai an tawk.

Pasal nei tu tur ber mo Surbhi chu a pasal ni mai tur Manjesh Kumar nen Hindu dan anga inneih hunserh an neih lai mekin pangpar thi an inhlan zawh hnu rei vak lo ah heart attack vangin nikhawhrelo in a awm thut a, a boral zui tih hriat a ni.

Tualchhunga Doctor te koh an ni a, amaherawh chu Doctor te pawhin a nunna an chhan thei lo. Chutia mo ber in a boral san takah chuan innei tur chhungkua te pahnih pawh an mangang in an hrilhhai hle a ni.

Inneihna erawh ti tawp mai lovin chhungkaw hnih te chu an indawr a, mo Surbhi pasal tur chu Surbhi unaunu Nisha chuan pasal atan neiin hunserh ah a thu zawm ve leh nghal.

Inneihna hunserh hman a nih mek lai hian Surbhi ruang hi inneihna hmanna hnaih lawk room dang ah dah chhun a ni a, inneih zawh hian vuina hun hman zawm nghal turin an ruahman a ni.

Surbhi unaupa Saurabh chuan “room dangah ka unanu ruang awm in, a bul lawk ah inneihna inpuahchah a ni a, hriatthiam a harsa hle a ni” a ti a, mit ngei a an hmuh chu an beisei ngai reng reng loh hial a nih thu news agency IANS te hnenah an hrilh. A nu Guddi Devi pawh in thil thleng chu tawrh har a tih tak zet thu a sawichhuak bawk.

Tun hi India ram a inneihna lungchhiat thlenna vawi khatna mai a lo ni tawh lo. Kum in March thla khan Odisha ah mo chu a pasal kianga a lawi tur a chhungte nen inthlahna neia ‘vidai’ ceremony an hman laiin lungchhe taka a tah nasat lutuk na lam ah cardiac arrest in nunna alo chan tawh a ni.