Mizo Elite News hi ṭha i tihzawng a nih chuan min lo Follow dawn nia

Inneihna A Ei Tur A Sawngbawlna Ah Tenawm Taka A Khawsak Vangin Mipui An Lungawi Lo

Hripui COVID-19 pandemic in min chen chilh chinah hi chuan theih ang tawk a invawn thianghlim hram hram hi thil pawimawh hmasa ber a ni tawh.

Uttar Pradesh a Meerut a inneihna buatsaih ah mipa pakhat ei tur sawngbawl tu chuan a thil siam rotis ah chuan a chil a lo chhak a vangin Internet ah a viral nasa hle a, a chetdan a tuihnai loh em avang hian mite an thinrim hle bawk a ni.

Hepa hi Naushad/Sohail tia hriat a ni. Netizen ten Twitter ah video hi an share a, Meerut Police te beng thleng ngei turin an tag bawk a,a chungah action la ngei turin an phut bawk.

Video hi inneih chhimtu zinga mi pakhat in a ruk a alo record hnuah Social Media ah a post. Meerut Police chuan station in-charge of Partapur hnen ah he Case hi a tul anga hma la tura hriattir a nih tawh thu an sawi a, man zui nghal a ni.

Naushad/Sohail hi February 16 khan Aroma Garden ah inneihna a ei tur siam tura rawih a ni ngei tih Police ten an sawi. Meerut Police chuan hepa lakah hian IPC 268, 269, 188 leh Epidemic Diseases acts 3 hmang ten thubuai an awrh tir a, thiam loh chantir a nih chuan kum 3 thleng Jail a tang ang.