Mizo Elite News hi ṭha i tihzawng a nih chuan min lo Follow dawn nia

Inneih Puia Sawmtu A Hnar Vangin British Hmeichhia Chu Rawng Taka Thah A Ni

Kum 25 a upa British hmeichhia Pakistani origin chu mipa 2 ten nupui atan neih tum in an hel a, mahsela duh lovin an sawmna hi a lo hnawl sak ve ve a ni.

Police te sawidan chuan he hmeichhia hi Mayra Zulfiqar a ni a, Thawhtanni khan a thlenna Lahore’s Defence Housing Authority ah thi in an chhar. Lahore’s Police Assistant Superintendent Sidra Khan chuan Mayra Zulfiqar hi thla 3 liam ta khan Belgium atang India ah hian a kal a, a thian pakhat nen in an in luah tawm thu news agency PTI a hrilh.

Police investigation atang chuan Mayra Zulfiqar thian Saad Ameer Butt chu tualthahna a mawhphurh tu ber a ni. Butt hian nupui atan neih a duh a, an inneih chuan a kaltlangin foreign nationality a neih theih a beisei. Amaherawh chu nupuia a sawmna hi Mayra hian alo hnawl sak ta si a, a thinrim in a kaphlum ta a ni.

Mayra Zulfiqar nu leh pa te hi United Kingdom ah an awm mek a, Lahore a awm a patea Muhammad Nazir chuan a thian mipa 2 Asad Ameer Butt leh Zahid Jadoon te lakah hian thubuai a thehlut.

Mayra Zulfiqar ruang post-mortem report atangin a taksa ah hian silaimu kahna hmun hnihah a nghawng leh ban ah te an hmu. Amah hi Middlesex University atang law graduate a ni. A chunga thil thleng hi a pawi khawp mai.