Mizo Elite News hi ṭha i tihzawng a nih chuan min lo Follow dawn nia

Innei Tura An Inbuatsaih Vek Tawh Hnuah Monu Tur Berin Inneih A Thulh San Thut Chhan Chuan Sawi A Hlawh

Nupa ni tur chuan inneih hma daih tawh atang chanchin an inhrechiang hmasa phawt thin tlangpui. A then te chu inngaizawng pawh ni hran lo a insawiremna tawp a innei an awm ve bawk a.

India ram Uttar Pradesh a inneihna pakhat ah chuan monu tur berin a pasal tur chu hun tep ter tawh tak ah pasal atan nei leh duh lovin inneihna a thulh tih News 18 chuan a rawn puang.

An chhungte leh khaw mite chuan nupa tuak thar te inneihna hriatpuia lawmpui tur in inneihna hmun ah an pungkhawm tawh. Monu ber chuan a pasal tur chu zirna kawng ah eng nge a an reng a lo ti nge, pahnih hmun 2 Times Table sawi turin a ti a, mahsela a pasal tur hian pahnih hmun chu alo thiam reng reng lo mai.

A pasal turin pahnih hmun tak ngial pawh a sawi thei lo chu monu hi a lungawi lo. Inneihna chu chawp leh chilh in a thulh nghal a, a chhungte leh a thiante pawh in an khap dai zo lo.

Monu cousin chuan mo neitu chhungte hian lehkha a thiam loh chungchang hi an zep tang tang a, an mahni chauh nilo mi zawng zawng an bum a ni tiin a vuipui ang reng viau.

Mo neitu hi Dhawar village of Mahoba district a cheng nia tarlan a ni. He thil thleng ah hian Police te erawh an inrawlh ta lo a, inneihna thulh a nih tak ah chuan mo leh mo neitu chhungte hian thilpek leh tlereuh te chu an lo inhlanchhawng leh a ni awm e.