Mizo Elite News hi ṭha i tihzawng a nih chuan min lo Follow dawn nia

Innei Thar Hlim Hlawl Nupa Te Honeymoon An Hmanna Ah Chesual In An Thi

Damchhunga nupa ni tura an inneih hnu lawk ah chawlhkar em pawh a la ral hma in thihna in an chungah thla a zar.

Manhattan a nupa tuak thar Corporate attorney, Muhammad Malik, 26, leh a nupui Dr. Noor Shah, 29 te chu an inneih hnu in Caribbean ah honeymoon hmangin an kal a, vanduaithlak takin an nupa hian tui ah tla in nunna an chan.

Muhammad Malik te hi an inneih aṭanga ni 4 na ah chiah October 28 khan tui ah tla in an boral. An nupa hian Turks and Caicos Islands resort ah inchiah in tui an cheng dun chu vanduaina hi tawkin tui ah an tlahlum.

A hmun a awm ve midang te chuan hmu in tui aṭang an lachhuak nghal a, CPR te pek an ni. Mahsela an nupa hian chhan theih an ni tawh lo.

Mo neitu Muhammad Malik pa Maqbool Malik chuan an chhungkaw thil tawn chu a rapthlak tak zet thu newspaper te a hrilh a, a ruala a fapa leh a mo te a chan chuan rilru a tina in tuarthiam a har hle tih a sawi tel, hetih rual hian tuicheng te tan warning sign engmah pek a nih loh vangin resort lam te a dem bawk.

Muhammad Malik leh Noor Shah te hi Manhattan a khawsa an nia,East Meadow, Long Island a an inneih hnu ah honeymoon hmang tur hian an nupa in an chhuak zui ve nghal. An ruang hi Pathianni ah New Jersey ah vuiliam tura tih a ni.

Mo nei tu Muhammad Malik hi Cornell University aṭang a graduat a,Manhattan a Olshan Frome Wolosky LLP ah hnathawk. A nupui pawh hi fourth-year surgical resident, NYU Langone Health a ni bawk. Hma hun eng tak an neih lai in an lainatawm nupa khawp mai.

DM