He video hi internet ah a viral zui nasa hle a. Indonesia rama Jakarta ah chuan pa pakhat kawnga a kal chu ṭek in a deng a, thilmak tak a thleng. Thi chiang viau tura rin a nih laiin a damkhawchhuak tlat.
Tualchhung media in a tarlan danin Video a ṭek in a den pa hi kum 35 upa a ni a,north of Jakarta a company pakhat ah security guard hnathawk in he thil thlen lai pawh hian a duty lai mek ani.
Video clip phochhuah ah hian ruahsur karah nihliap khum in a kal a, a bulah hian truck lian deuh deuh a ding bawk. Hetia kawnga a kai lai mek hian rin loh takin a rawn eng phei zuai a, ṭekin a deng chu a ni nghal mai.
Kawngah chuan nikhaw hrelo in a tlu nghal tawp a, a thawhpui dangte chuan a dinhmun ngaihtuahin a ṭhat leh ṭhat loh thlithlai in a lam an pan thuai bawk. Damdawiin hnai ber ah kalpui a ni a, vanneihthlak takin thihpui tham tur khawp a chungah hian a thleng lo.
Security officer in Jakarta was struck by lightning while on duty, avoid using radio and cellular telephones when it is raining, the condition of the victim survived after 4 days of treatment. not everyone has the same chance to live. 当選確率 #Bitcoin #NFTs $BTC $ETH #ALERT pic.twitter.com/4XhW6Oh3U9
— Lexus RZ (@Heritzal) December 26, 2021
Ṭek in a denna ah hian a kut chu a kang ve a, ni 4 damdawiin a enkawl a nih hnu ah him takin damdawiin hi a chhuahsan tih Detik News in an rawn puang.
He thil thleng chungchang hi sawidan in security guard hian an inbiakpawhna hmanrua walkie-talkie chu a kutah a keng a, ṭek rawn tla hian a man ta nia hriat ani.
Deadly Lightening in Gurgaon pic.twitter.com/nHygeNH3jX
— Sheela Bhatt शीला भट्ट (@sheela2010) March 12, 2021
Kumin March thla mai pawh khan Gurugram a housing society ah horticulture staff te chu thingkung hnuaia an tawm laiin ṭek tla thut chuan a deng a, vanneihthlak takin tumah in nunna an chan lo. Ṭek in a den fuh tawh hi chu an damchhuak mawh thin viau a, an vannei khawp mai.