Mizo Elite News hi ṭha i tihzawng a nih chuan min lo Follow dawn nia

Indonesia Ramah Mipa 2 Ten Danlo Anga Hmeichhiat Mipatna Hman Vangin Hrem An Ni

Khawthlang ramah thiangzau ti a, a nu leh a pa lam rik paih duhna hial a awm laiin Indonesia hmun thenkhat ah erawh United State ang lo takin neih in ang inkawp an do hle thung

Indonesia ram a Aceh Province ah mipa 2 te chuan Islamic law bawhchhia a dan lo anga mipat hmeichhiatna (mipat mipatna a ni zawk mah ang chu) an hman vangin hremna pek an ni a, vawi 77 lai vuak an ni.

Heng Gay 2 te hi kum 27 leh kum 29 te an nia, hremna pek lai hmu tur hian mipui tam tak Banda Aceh’s Tamansari city park ah an pungkhawm a, tun hi Gay hremna pek an nih tum thumna a ni, Indonesia a Aceh ah chauh Shariah law hi hman a nia, 2015 atang khan homosexuality hi zahngaihna tel lovin hremna pek an ni chho hmiah hmiah.

Hremna pek tak mipa pahnih te hi November daih khan man an ni a, an awmna miten an rinhlelh hnu ah Police ten an awmna room luah ah lutin an lo nangching a mipat mipatna an lo hmang tih Heru Triwijanarko, Aceh’s acting Sharia police chief chuan a sawi. Hremna pek an nih ni vek hian mi 4 dang te pawh hremna peka vuak an ni ve bawk.

Homosexuality hi Indonesia zawng zawng ah dan phal loh a ni lo a, Aceh region ah erawh khap bur a ni. Heng bakah adultery, gambling, zu in leh hmeichhia thuamhnaw tight lutuk hak te thleng pawn dan in a phal lo.