Mizo Elite News hi ṭha i tihzawng a nih chuan min lo Follow dawn nia

Indonesia Rama Lung Manto Tlain A In Chung A Den Pawp Vanga Zan Khat Thil Thu A Millionaire A Sawi Kha Alo Dik Tawk Lo

Sumatera, Indonesia a cheng pa pakhat kuang siama ei zawng ve mai Josua Hutagalung chuan van aṭanga lung manto/ arsi kehthem (meteorite) tla in a in chung a den pawp hawk hnuah chawp leh chilhin mi hausa tawn taw ah a chhuak nghal tih a ni.

British Media te chuan Josua hian van aṭanga malsawmna a dawn hi a hausakpui lawih thu a a tarlang lang chuai chuai a, space rock hi Rp26 billion (S$2.4 million) vel anga hlu in a hralh tih an lo tarlang a nih kha.

Amaherawhchu News Outlet ten an tarlan leh amah Josua sawi erawh a in ang miah lo thung. Josua chuan Media ten a chanchin an tarlanna a a hralhchhuahna sum ang zat zat hi a hmuh loh thu a sawi.

Space Rock kha Rp200 million chauh in a hralh a, a in chung thawm ṭhat nan khan Rp14 million a hmang bawk a ti. Pawisa a hmuh te hi a chhungte a sem bakah an Community a biakin leh orphans chhawmdawl nan te a pek thu BBC Indonesia in a puang.

Josua chuan a vai in lung te kha a hralh zo vek lo a, 2.2kg ah khan 1.8 kg chauh a hralhchhuak. A them dangte chu a chhungkaw member te sem ve in zungbun siam nan te an hmang a, amah pawhin 5gram chu a dahṭha tih a sawi.

Josua hian UK Media outlet ten mi hausa tak anga an chhuah a hmuh tirh hian a hamhaih hle. A chhan chu a sum hmuh dik tak nen a inthlau fahran lutuk. Media ten an tarlan dan Rp26 billion ang a hlutna hi a nih tak zet chuan nasa taka bum a tawk tihna a ti.

He Space Rock hi CM1/2 carbonaceous chondrite nia hriat a ni. Bali a American pa Jared Collins tih in a leisak phawt a hemi hnu ah United States a mi Jay Piatek hnenah hralhchhawn ve leh a ni.

Asiaone