Mizo Elite News hi ṭha i tihzawng a nih chuan min lo Follow dawn nia

Indonesia Nu Chuan Thil Tha Zawka A Hriat Vangin A Fapa 2 Rawlthar Te Nen Puitling Film An En Ho Thin Thu A Sawichhuak

Indonesia rama Pop Star lar ve tak mai chuan a fapa rawlthar chhuak tir te pahnih kiangah puitling Film a en thin thu a sawi a, a fapa te bulah hian mipat hmeichhiatna chungchang ah thu mai nilova zirtirna pekna tha nia a hriat vang a ni.

He nu frank ve tak mai hi Wahyu Setyaning Budi tia koh a ni a, Indonesia ramah chuan lar thawkhat ve tak niin Yuni Shara tiin an ram a mite chuan an hre thin bawk.

A fapa te nena an thil tih dun thin hi YouTuber Venna Melinda nen an interview na ah a sawichhuak. Tun ang lai khawvel changkang tawh takah chian heng Film te hi an duh a nih phawt chuan an en thei vek hlawm tawh a, inkhap beh sen a nilo. Chu ai chuan tlang tak leh zalen taka thil kalpui a, chu an thil en hmang chuan zirtirna dik pek zawk hi Yuni Shara hian a ngaihdan dinglai a nih thu Interview ah hian a sawi.

A fate ngei pawh in a kianga hetiang en hi an zak thin thu pawh a sawi a, mahse Yuni Shara hi chuan a fate tan an hriatfiahna tura kawng tha ber nia a hriat miau vangin zah ah a la lo.

Yuni Shara in a fate a enkawl dan hi social media hmang tu atang Comment in ang lo tak tak pawh a dawng zui nasa. Indonesia rama instutute pakhata thawk child and adolescent education expert, Agstried Piether erawh in Yuni Shara in a fate a kaihhruai dan chu a lo thlawp thung viau.

Kan faten heng puitling film an lo en a nih pawn thinrim mai tur a nilo a, a rukin an ti lui tho tho. Zilh hau ringawt lovin nu leh pa te hian kawng dik zawk kha mi atang khan hrilh in sawipui thin zawk tur a ni a ti. Asian chhungkaw thenkhat chuan mipat hmeichhiatna lam hawi hi naupan lai atang serh leh thianglo a ngaih tlatna a awm thin.