Mizo Elite News hi ṭha i tihzawng a nih chuan min lo Follow dawn nia

Indonesia Ah French Pa Naupang 300 Lai Khawih Chingpen Tu Man

French mi pa pakhat pensioner Francois Abello Camille, 65 hian naupang 300 chuang khawih chingpen in mipat hmeichhiatna hmanpui duhlo tu te chu kutthlak in alo vaw ṭhin bawk tih hriat a ni.

Abello Camille hi thla kalta khan Indonesia’s capital Jakarta a hotel ah man a ni a, hotel room a an va hmuh hian amah bakah kum tlinglo hmeichhe pahnih pawh an lo awm bawk.

Investigators te chuan Camille’s laptop computer ah hian video bawlhhlawh leh tenawm tak tak naupang kum 10 leh 17 inkar a khawih lai velte an hmuchhuak a ni.

Indonesia ah hian kum 5 liamta aṭang Camille hi tourist visa in vawitam a lut a,naupang te chu hnaiha thiam taka thlem kualin Model hnathawk tur in offer alo siam hmasa ṭhin niin Jakarta police chief Nana Sudjana chuan a sawi.

Mipat hmeichhiatna hman an remtih chuan 250,000 leh one million rupiah ($17-70) a pe ṭhin a, mahse chuti nilova mipat hmeichhiat hman an duh loh chuan vuak mai bakah bengin alo pet ṭhin thu an sawi bawk.

Police te chuan Camille hian Indonesia a naupang te hi hetiang hian a lo tih fo tawh thin bakah an sawi leh rin ang aia victim hi an la tam zawk theih thu an sawi a ni.

A thil sual tih rapthlak tak avang hian Camille hi a chungthu a rit dawn hle a. Hremna atan hian tihhlum emaw damchhung a Jail bang zut chiah a hmabak. global anti-trafficking network ECPAT International in a tarlan dan chuan Indonesia ah hian kumtin naupang 70,000 lai chu sexual exploitation a tuartu an ni.

DM