Mizo Elite News hi ṭha i tihzawng a nih chuan min lo Follow dawn nia

IndiGo pilot in passenger dang te hma a a nupui a chawimawi dan chu Social Media ah a lar zui hle

IndiGo pilot pakhat chuan thlawhna chhung ah a nupui tan a hriatreng tawh tur thil a tihsak a, he thil hi Social Media lam a phochhuah a nih hnu ah a darh chakin pilot in a nupui a care thiam dan hian lawm a hlawh hle.

Thlawhna khalh tu pa Alneez Virani hian thlawhna chhung a passenger chuang dang zawng zawng te hma ah chuan a nupui chu inhmelhriat tirna alo nei ani.

Mumbai lam an pan mek lai a ni a, flight intercom atang chuan vawiin chu atan flight special tak a nih thu a sawi a, a nupui chuan an thlawhna ah a chuanpui mek thu ring takin a puang.

“Midang tan chuan thil ho tak leh te tham zet a ni ang. Mahse ka tan chuan a hlu em a ni” tiin a sawi. Zahra chuan a pasal in a surprise lai hi alo record a, inrinlawk leh a beiseiloh tak a nih thu a sawi bawk.

A pasal in midang hma a a hmangaih zia a puanchhuah chuan a ti lawm hle a, engtik ah mah a theihnghilh ngai tawh loh tur thu sawi ve hial in a Instagram ah a post chhuak ani.

Video hi rei lo ah a viral nghal a, mi maktaduai 8 zet in video clip hi an en hman. Video lo thlir tu midang te chuan Zahra chu hmangaihtu pasal tha tak a neih vangin hmeichhe vanneih tak a nih thu an hrilh a, nupa hlim tak an nih zel theih nan duhsakna an hlan bawk.