Mizo Elite News hi ṭha i tihzawng a nih chuan min lo Follow dawn nia

India Ramah Pitar Kum 70 In A Fa Hmasa Ber A Nei

Hei hi chu rin pawh a har hle a, mahse a tak ngei a thil thleng a ni bawk si. India ram ah pitar kum 70 a upa chuan a fa hmasa ber ni turin fapa duhawm tak a hring/neih thu India chanchinbu lian tak tak ten an chhuah.

Fa neitu hi Jivunben Rabari a ni a, a pasal hi kum 75 mi Maldhari a ni. An fapa hi IVF kaltlangin tluang tak in an nei thei. An fapa hming erawh an la puang lo a, Rabari hian ID nen a kum zat hi a dik tih fiahna engmah la pe lo mahse a insawi danah chuan kum 70 a ni.

Hetiang a nih tak si ah chuan Rabari hi khawvel a fa nei thei upa ber zinga mi a ni. September 2019 khan amah ai a kum 4 upa Indian nu vek Erramatti Mangayamma,74 chuan phir hmeichhia a lo hring tawh bawk.

Thulakna in a tarlan danin Rabari leh Maldhari te nupa hi Gujarat a thingtlang khaw te tak te Mora a cheng an ni a, kum 45 lai inneih tawhin kum 10 chhung teh meuh chu fa neih an lo tum tawh a, mahse an lo hlawhchham.

Doctor, Naresh Bhanushali pawh in kum 70 a upa a fa nei thei chu a pian a hnu lama thil mak a hmuh zingah a sawi ve hial nghe nghe.Guinness World Records in Official taka a chhinchhiah a khawvela fa nei thei upa ber chu Maria del Carmen Bousada de Lara a ni a, December 2006 khan kum 66 ah phir mipa a nei. Mahse he Record hi khum a ni daih tawh a ni.