Mizo Elite News hi ṭha i tihzawng a nih chuan min lo Follow dawn nia

India Ramah Pa Leh Fapa Te Chu Police Ten Nasa Taka Sawisa In Dan Lo Anga Inpawlna Te Vangin An Boral Phah

George Floyd thihna avangin America ah buaina a chhuak hrep tawh a, mihang leh mingo inkara inthliarna awm duh lovin kawng anlo zawh hut hut tawh a nih kha. Khatiang ang deuh kha India ramah pawh a thleng ve leh dawn a nih hmel.

India rama Tamil Nadu ah thil rapthlak tak mai a thleng. Pafa te chu Tamil Nadu’s Tuticorin district ah Police te kut tuar in nunna an chan a, nasa taka kutthlak leh sawisak an tawh bakah dan lo anga inpawlna hial a thleng.

Tuartu pafa te hi P Jayaraj (kum 59) leh a fapa J Fenix (kum 31) tih hmingpu te an ni. An pafa hian mobile accessories shop hawn chungchang ah Police te nen an buai a, hun tiam ai bak dawr hi an hawng an ti a curfew set chu an zawm lo an ti.

Sathankulam police te chuan Custody ah an la a, innghaisakna rapthlak chu a thleng zui. Fenix zawk hi June 22 khan a thi a, a pa hi June 23 khan a boral ve leh bawk.

An sawisak dan a rapthlak hle a ni awm e. An khup an vaw chhe hneh hle a, an lu bangah an tauh tir a,saruak in Jail ah an khung. Thisen tam tak an hloh. Dan lo anga inpawlna thlengin an tiang baton hmang te in an mawngkuaah te an lo hawlh a, an mawng aṭang thisen te a chhuak bawk. Na tuara an authawm leh ṭap thawm hi 500 meters a hla ṭang pawn an hriat thu an sawi bawk. local songwriter Suchitra pawn Jayaraj te pafa chunga Police te chetdan hi a rawn sawi nasa.

He thil thleng hian India ram a luah hneh hle a, ti ti pawh a tih tam bakah sawi hrang hrang a tam phah hle.

Twitter ah pawh #JusticeForJayarajAndFenix tiin trend an siam chuai chuai hlawm a, milar tam takin Jayaraj te pafa tan rorelna dik phut in an auchhuak bawk. He thil thleng ah hian Policemen pahnih te suspend an ni tawh bawk. Boruak ala so sang chho hle dawn a ang.

WOB